X记控股（８）陆羽仁

股市如坐过山车式的波动，狂升急回，早几日每天升几百点、１０００点，昨日单日高位回落１６００点以上，心脏弱少少都顶唔顺，这种市况，拉阔少少看，虽然走势转弱，但一两个月内升或跌３０００点等闲事，散户要按纪律投机、投资。

昨天早上见升到汇丰（０００５），感觉不良，又见高盛出报告话睇汇丰见１６１元，连一直唔郁的大笨象都推介，而且大笨象又一度炒上１５０元楼上，心中不太舒服，人人话大市升系内地同胞放假无�做来香港买股，但他们无理由对步履缓慢的大笨象感兴趣，顶高大象唔知想做乜。结论系的确有好多大陆客一旧旧钱拿来香港买股，但操控大局的不是内地同胞，而是外资大户，问题是他们想以何种形式食糊。小心要跌也不一定一条直线�跌，再抽高才跌都唔奇。

大市�波动，散户好易不断做错事，你们的投机部门，小心「赢粒糖输间厂」，有些典型值得讲讲。

典型一：短炒变长揸。网友Angus问：「陆sir，请给我意见吧...真系好烦今次...群星(3868)[股价及相关新闻]我�它上市时，用AO $10.1的价钱入左6000股。但宜家账面已经输�$10000，我买它其实只是想DAY TRADE。我留意左好几只新股，第一日收市价都系高过开市价eg恒鼎,远洋。所以谂住好放心，一开市升几亳子就走。而且因为中签率低只有10%，应该会有人买货。谁不知沽压o甘大，开市后不久就系o甘跌。大户唔系有禁售期的咩，点解会有o甘多货沽出黎的呢?

宜家沽又好唔甘心，怕只股已经俾人沽到差唔多见底。但唔放又惊会继续沉落去...我又唔知会唔会货源归边，迟的会有机会升返上去�，但我见买个的broker牌又唔系咩大行，so真的唔知可以点。 」

Angus识得落AO盘，又话自己系炒即日鲜，证明系炒新股的惯匪，�简单的事情就唔使再来问我，你AO盘买入，当日一跌到一成止蚀价９．０９元，就应该立即斩仓，唔使等到渠而家只有８．４２元才去斩。你都识讲，几只新股，恒鼎、远洋AO盘买入都有升，问题只是呢只唔升。

我教你点营运你个投机部，要�条大数，只只新股开市AO盘买，假设三只升一只跌，食三只，输一只，只要夹埋都有赚就得啦，你呢个投机部门仲系得o既，若果你话唔系�，食�三只每只食一两个巴仙，输要十个巴仙止蚀，赚埋唔够蚀，我就话唔系止蚀唔�，系你呢个AO盘炒新股的方法唔得。

时至今日，你好似想把炒即日鲜的投机部变作投资部，咪傻啦，你话怕沽�只�升，无错，无人话渠一定唔升，但请问几时升呢？如果跌到６元之后才升，又或者牛皮半年才升，你又顶唔顶得顺呢？问题是你在上市第一日无沽，唔系几日后沽怕渠迟�沽完再升。方法唔�，输多赢少，投机部门过一年半载都要折埋啦。


典型二：输钱心有气。网友时来风买�利记(０６３７)，一直未止蚀，现在这样讲，「若果执行止蚀将(637)[股价及相关新闻]立斩，它即反弹那便死得很惨，因它从第一日下跌就从未反弹过.每天还再很多人依然在低求货,过两天又止蚀,比我更风「疯」,还希望�钱,我只系唔想在最低位把我的股份送给那个XX 主席。 」

希望你唔介意我�讲，时来风提出的理由很怪，利记跌��耐未弹过，你又点解觉得渠会弹，而且仲会弹到你「好惨」的高度？另外好多人博反弹，如渠�买入后一成止蚀，又点会惨得过你？我唔系想窒时来风，只是觉得你心中有气，影响分析。忘记了那个XX主席吧，要炒等机会�个另一只去炒好过。投机部门要泠血无情，对自己亦一样。

最后讲多句，大波动市，要严格执行止蚀的纪律，今天止蚀了，明天再炒过，唔系死守就可以防止被人震走，而系一到止蚀位就止蚀，睇定才上番车，又是一条汉了。